Promove


Xunta de Galicia

Desenvolve


PantallasAmigas

Apoia


Twitter

10 Razóns para NON practicar SEXTING

Realizar sexting ou producir imaxes íntimas propias nun formato dixital e cedelas a outras persoas é unha decisión persoal. Pode que ti atopes moitos motivos para facelo. Aquí queremos compartir contigo outras 10 razóns polas que o sexting se pode converter nunha práctica de risco.

Báixaas en PDF

Razón 1 | Control compartido

Existe outra persoa implicada da cal se pasa a depender

Cres que controlas ti? Xa non é algo que depende de ti. Alguén máis pode tomar decisións.

Razón 2 | Para sempre

As persoas e as relacións poden cambiar

Cres que non sería capaz de facerche dano nunca? As cousas da vida cambian sentimentos e, ás veces, grandes amantes vólvense maiores inimigos.

Razón 3 | Gardado no seu móbil

A protección da información dixital é complicada

Consideras que esa persoa protexe ben o voso segredo? É moi complicado poder garantir unha seguridade total.

Razón 4 | Un segundiño

A distribución de información dixital é incontrolable

Cres que se pode enviar e autodestruír? Cres que unha imaxe dixital se pode controlar? Toda imaxe que aparece nunha pantalla é irrecuperable para sempre.

Razón 5 | Anónimo

Unha imaxe pode achegar moita información

Pensas que aínda sen figurar o teu rostro serás irrecoñecible? Adornos, tatuaxes, piercings... o número ligado ou quen ten a foto pode revelar a túa identidade.

Razón 6 | A ninguén lle importa

Existen leis que poden penar accións ligadas ao sexting

Non lle digas a ninguén que che enviei esta foto. Moito menos a ela. Cres que por ser o teu corpo ou o da túa parella podes facelo? Se é menor de idade, supón delito de produción, posesión ou distribución de pornografía infantil.

Razón 7 | Novas amizades

Pode producirse sextorsión se a imaxe de sexting cae en mans dun chantaxista

Pensas que sabes a quen lle poden chegar esas imaxes? Unha imaxe de sexting en mans inadecuadas supón rico de sextorsión.

Razón 8 | Sen freo, sen límite

Internet é rápida e potente

Cres que podes quedar á marxe do poder da Rede cando che convén? As imaxes de sexting poden chegar a Internet, a canle de difusión máis potente nunca coñecida.

Razón 9 | Máis cerca que lonxe

As redes sociais facilitan a información ás persoas próximas

Considéraste descoñecida entre os millóns de persoas de calquera lugar que están na Rede? Internet e as redes sociais axudan a que te atopes coas persoas coas que podes ter cousas en común.

Razón 10 | Con toda confianza

Existe grave risco de ciberbullying se a imaxen de sexting se fai pública en Internet

Que pensas que sucederá se a túa imaxe privada circula ou é publicada sen o teu permiso? Hai persoas que parecen gozar facendo dano. Para elas serás culpable e converterante na súa vítima.

^